ഹൊഗനക്കല്‍

ഹോഗനക്കല്‍ തമിഴ്‌നാട്ടിലാണ് കിടക്കുന്നത്.കര്‍ണ്ണാടക സംസ്ഥാനത്ത് നിന്നും ഒഴുകിവരുന്ന കാവേരിപ്പുഴ തമിഴ്‌ നാട്ടില്‍ എത്തുന്നത്‌ ഇവിടെ വെച്ചാണ്‌. അതുകൊണ്ട് തന്നെ അവിടെ നദി ജലവുമായി ബന്ധപ്പെട്ട് പ്രശനം ഉണ്ട് താനും. Hog എണ്ണ വാക്കും kal എന്ന വാക്കും കുടിയാണ് ഹോഗനക്കല്‍ ഉണ്ടായതു എന്ന് പറയപ്പെടുന്നു. Hog എന്നാല്‍ മഞ്ഞും kal എന്നാല്‍ കല്ലും.




അതിമനോഹരമായ സ്ഥലം.വെള്ളച്ചാട്ടം ആണ് ഇവിടെയുള്ള ആകര്‍ഷണം എങ്കിലും ഇതു വളരെ വിത്യസ്തമായ ഒരു കാഴ്ച തന്നെയാണ്. സാധാരണ വെള്ളം മലകളില്‍ നിന്നും താഴേക്ക്‌ പതിച്ചനല്ലോ വെള്ളച്ചാട്ടം ഉണ്ടാകുന്നതു. പക്ഷെ ഇവിടെ മലയില്‍ നിന്നല്ല വെള്ളം താഴെ പതിക്കുന്നത്. സാധാരണ പോലെ വരുന്ന കാവേരി നദി പെട്ടന്ന് പാറകളാല്‍ നിര്‍മിക്കപ്പെട്ട കിടങ്ങുകളിലേക്ക് പതിക്കുന്നു.




നമ്മള്‍ക്ക് അവിടെ നിന്നും പ്രത്യേക ബോട്ടുകളില്‍ (അവര്‍ പപ്പട വണ്ടി എന്ന് വിളിക്കുന്ന ) യാത്ര ചെയ്യാം. അവിടെ പപ്പട വണ്ടിയും അത് തുഴയാന്‍ കൂടെ ഒരാളെയും കിട്ടും. സാധാരണ പോലെ പോകാന്‍ ഉള്ള വടകയെക്കള്‍ അധികം വരും നരന്‍ ഷൂട്ട്‌ ചെയ്ത സ്ഥലം (സിനിമയില്‍ മുള്ളന്‍ കൊല്ലി)കാണാന്‍. കാരണം അത് കുറച്ചുകൂടി ദുരെ ആണ്.നദിയുടെ ഇരു വശവും കാടാണ്. വീരപ്പന്‍ വസിച്ചിരുന്ന കാട് ആണത്രേ അത്!!! പുഴയുടെ ഒരു കര തമിഴ്‌ നാടും മറ്റേ കര കര്‍ണാടകവും . അങ്ങനെ കുറെ ദൂരം താഴേക്ക്‌ തുഴഞ്ഞു പോവണം. ചുറ്റു ഭാഗവും അതി മനോഹര കാഴ്ചകള്‍. ഒഴുക്കിലുടെ താഴേക്ക് തുഴഞ്ഞാണ് പോകുന്നത് എങ്കിലും ഇടയ്ക്ക് പോങ്ങികിടക്കുന്ന പാറകളില്‍ തട്ടാതെ പോകുന്നതും , ചില ഒഴുക്കുള്ള ഭാഗത്ത് അതിവേഗം പോകുന്നതും എല്ലാം ആവേശകരമാണ്‌ .(ഞങ്ങള്‍ രണ്ടു പപ്പട വണ്ടിയില്‍ ആണ് പോയത്. ഒന്നു വെള്ളത്തില്‍ ഉയര്ന്നു നില്ക്കുന്ന പാറയില്‍ കയറിയതും അവിടെ നിന്നു നിന്നും മറിയാതെ വെള്ളത്തിലേക്ക്‌ തന്നെ ഇറക്കിയതും ഒക്കെ ഡ്രൈവറുടെ വൈദഗ്ദ്യം കൊണ്ടു മാത്രം..!!! )പ്പ് ഇറങ്ങി വേണം താഴെ എത്താന്‍. കാരണം നദി ഇവിടെ നിന്നും താഴേക്ക് പതിക്കുകയാണ്.

യാത്രക്കിടയില്‍ ഫോട്ടോ എടുക്കാനും കുളിക്കാനും (ഒഴുക്ക് കുറഞ്ഞ ഭാഗത്ത് ) അവര്‍ വണ്ടി നിര്ത്തി തരും.

അങ്ങനെ കുറെ കഴിഞ്ഞാല്‍ പിന്നെ നമ്മള്‍ വെള്ളച്ചാട്ടത്തിന്റെ അടുത്ത് എത്തും.അവിടെ നിന്നും നമ്മള്‍ ഇറങ്ങി സ്റ്റെ അപ്പോഴേക്കും തോണിയും ആയി അവരും താഴെ എത്തിയിട്ടുണ്ടാകും.പിന്നെ വീണ്ടും തോണിയില്‍. അവിടെ യാണ് ഹോങനക്കലിന്റെ ആകര്‍ഷണമായ വെള്ളച്ചാട്ടങ്ങള്‍ ഒക്കെ കാണാന്‍ പറ്റുന്നത്. മഴക്കാലത്ത് വെള്ളം നിറഞ്ഞു വലിയതും ഉയരം കുറഞ്ഞതും , വേനല്‍ കാലത്ത് വെള്ളം കുറവാണെങ്കിലും വെള്ളച്ചാട്ടം വളരെ താഴേക്ക്‌ പതിക്കുന്നതും ആയിരിക്കും.രണ്ടിനും അതിന്‍റെ പ്രത്യേക ഭംഗി .അവിടെ വെച്ചു വെള്ളച്ചാട്ടത്തിന്റെ താഴെ ഒക്കെ നമ്മളെ തോണിയില്‍ കൊണ്ടു പോകും. ചെറുതും വലുതുമായി കുറെ വെള്ളച്ചാട്ടങ്ങള്‍ ഉണ്ട്.അതൊക്കെ കണ്ടു വീണ്ടും താഴേക്ക്‌. ചില സ്ഥലത്തു പാറ ക്കുള്ളിലേക്ക് ചെറിയ ഗുഹകള്‍.അതിനുള്ളിലെക്കും സൌകര്യം അനുസരിച്ച് നമ്മള്‍ക്ക് കയറാം.

പാറകള്‍ കൊണ്ടുള്ള കിടങ്ങ്. അതിനിടയില്‍ പല തരത്തിലും കളറിലും ഉള്ള പാറകളും. പിന്നെ അരികിലുള്ള പാറക്കെട്ടിന്റെ മുകളില്‍ അവിടെയുള്ള കുട്ടികള്‍ കാണും. അവര്‍ 10 രൂപ ക്ക് വേണ്ടി അതിന്റെ മുകളില്‍ നിന്നും താഴേക്ക്‌ ചാടും!!!. വേറെ ഒരു ആകര്‍ഷണം അവിടെ ഫ്രഷ്‌ മത്സ്യം പൊരിച്ചു തരും. അത് അവിടെ നിന്നും പിടിച്ചതാണെന്ന് അവര്‍ പറയുന്നു( 10 രൂപ ).

അതിനൊക്കെ അടുത്താണ് തമിള്‍ നാടും കര്‍ണാടക യും തമ്മില്‍ തര്ക്കം നിലനില്കുന്ന ഏരിയ.

ധര്‍മപുരിയില്‍ നിന്നും ഏകദേശം 50 കിലോമീറ്റര്‍ ദുരം. ഇവിടെ നിന്നും(മലപ്പുറം ജില്ല ) ഏകദേശം 300 കിലോമീറ്റര്‍ .പാലക്കാടു , പൊള്ളാച്ചി വഴി പോകാം.



മോഹന്‍ ലാലിന്റെ നരന്‍ , A R റഹ്മാന്റെ ചിന്ന ചിന്നി ആശൈ എന്നിങ്ങനെ കുറെ സിനിമകളും പാടുകളും ഇവിടെ നിന്നു ഷൂട്ട്‌ ചെയ്തിട്ടുണ്ട്.

കോഴിപ്പാറ വെള്ളച്ചാട്ടം ( കക്കാടംപോയില്‍ )

മലപ്പുറം ജില്ലയില്‍ ടൂറിസ്റ്റ് പ്ലേസുകള്‍ കുറവാണു.. നിലംബൂര്‍ തേക്കു മുസിയം , ആഡ്യന്‍പാറ വെള്ളച്ചാട്ടം , കോട്ടക്കുന്ന് പാര്‍ക്ക് , ബിയ്യം കായല്‍, .....
അതില്‍ ഒന്നായ കക്കാടം പോയില്‍(അല്ലെങ്കില്‍ കോഴിപ്പാറ) വളരെ മനോഹരമായ വെള്ളച്ചാട്ടമാണു. ചെറുതും വലുതുമായി കിടക്കുന്ന അവയില്‍ ഇറങ്ങാനും കുളിക്കാനും .
ഒക്കെ പറ്റുമെങ്കിലും മഴക്കാലത്ത് അത് അപകടകരമാണ്



അരീക്കോട് നിന്നും ഇരുപത്തഞ്ചു കിലോമീറ്റര്‍ ദൂരം.തോട്ടുമുക്കം വഴി പോയാല്‍ അവിടെ എത്താം.
ഒന്നോ രണ്ടോ ബസ്സുണ്ടെങ്കിലും സ്വന്തം വണ്ടിയില്‍ ആണെങ്കില്‍ യാത്ര കുടുതല്‍ സൗകര്യവും രസകരവും ആയിരിക്കും.

കുറെ ദൂരം കയറ്റം തന്നെയാണ്.ചുരം കയറുമ്പോകാണുന്ന പല കഴചകളും വളരെ മനോഹരം .വണ്ടികള്‍ക്ക് പതുക്കെ മാത്രമെ പോകാന്‍ പറ്റു എന്നതിനാല്‍ കാഴ്ചകളൊക്കെ കണ്ടു സാവധാനം തന്നെ പോകാം.
കുറച്ചു കയറിയാല്‍ തന്നെ ചെറിയ തോതിലുള്ള തണുപ്പ് അനുഭവപ്പെടും.കയറ്റത്തില്‍ തന്നെ ഒരു സ്ഥലത്തു പരന്നൊഴുകുന്ന ഒരു ചെറിയ വെള്ളച്ചാട്ടം കാണാം . കയറ്റമൊക്കെ കയറി നമ്മള്‍ കക്കാടം പോയില്‍ അങ്ങാടിയില്‍ എത്തുന്നു. അവിടെ നിന്നും പിന്നെ വലിയ കയറ്റം ഒന്നും തന്നെ ഇല്ല.പിന്നെ മൂന്ന് നാല് കിലോമീറ്റര്‍ കുടി പോയാല്‍ കോഴിപ്പാറ വെള്ളച്ചാട്ടത്തില്‍ എത്തുന്നു.
അവസാന ഭാഗത്ത് റോഡ് അല്പം മോശം ആയതിനാല്‍ ടാറിട്ട റോഡ് തീരുന്നിടത് വണ്ടി പാര്‍ക്ക് ചെയ്യുന്നതാണ്‌ നല്ലത്. പിന്നെ അര കിലോമീറ്റര്‍ നടന്നാല്‍ വെള്ളച്ചാട്ടത്തില്‍ എത്താം.

ശുഭം